სამუშაო შეხვედრა თემაზე – კარტოფილის თესლის სერტიფიცირების გზების განვითარება

by ishpotato / სამშაბათი, 01 ოქტომბერი 2019 / Published in News, ღონისძიებები

კარტოფილის საერთაშორისო ცენტრი (CIP), ავსრიის განვითარების სააგენტოს მხარდაჭერით ახორციელებს პროექტს – „საქართველოში სოფლად საარსებო საშუალებების გაძლიერება: ჯანსაღი თესლის წარმოების ინტეგრირებული მიდგომის დანერგვა კარტოფილის ადგილობრივი თესლწარმოების სისტემაში“, რომლის ფარგლებშიც 24-27 სექტემბერს, გაიმართა ღონისძიება „კარტოფილის თესლის სერტიფიცირების გზების განვითარება“. სამუშაო შეხვედრა, 24-25 სექტემბერს თბილისში, ხოლო 26-27 სექტემბერს – ყაზბეგში ჩატარდა (სადემონსტრაციო ნაკვეთები სოფელ სნოსა და სიონში).

ოთხდღიანი სამუშაო შეხვედრა პარტნიორებს დაეხმარება საქართველოში თესლის სერტიფიცირების გეგმის ჩამოყალიბებაში. მონაწილეებმა განიხილეს და იმსჯელეს საქართველოში წინა – საბჭოთა კავშირის დროს არსებულ სისტემაზე, ისევე, როგორც სხვა ქვეყნებში არსებულ თანამედროვე სისტემებზე, UNECE-ის რეკომედაციების გათვალისწინებით. ღონისძიების ფარგლებში, ასევე, განხილულ იქნა სხვა, ისეთი კონცეფციები, რომლებსაც შეუძლიათ ხელი შეუწყონ მეთესლეობის სისტემის წარმატებას. მაგალითად, ზღვრების ოპტიმიზაციის კოცეფციები, რომლებიც აღწერილია ჩუდურის და სხვების მიერ (Choudhury, 2017), ასევე, ხარისხის კონტროლის ალტერნატიული ფორმები, ისეთები, როგორიცაა დეკლარირებადი ხარისხის თესლი (QDS) და სავალდებულო სერტიფიცირების საჭიროება.

ვორქშოფის შედეგად, გამოიკვეთა მიმართულება, რომლითაც მონაწილეები შეძლებენ კარტოფილის თესლის სეტიფიცირების სისტემის გამართვას.

სამუშაო შეხვედრას სამთავრობო და არასამთავრობო ორგანიზაციების 69 წარმომადგენელი დაესწრო. მათ შორის იყვნენ: გაეროს სურსათისა და სოფლის მეურნეობის ორგანიზაციის (FAO), კარტოფილის საერთაშორისო ცენტრის (CIP), გარემოს დაცვისა და სოფლის მეურნეობის სამინისტროს, სოფლის მეურნეობის სამეცნიერო-კვლევითი ცენტრის, კომპანიის „აგრიკო“, საქართველოს ტექნიკური უნივერსიტეტის, საქპატენტის, აკრედიტაციის ცენტრის, საქართველოს ფერმერთა ასოციაციის, სასოფლო საკონსულტაცო სამსახურის და ორგანიზაციის „ქეა“ წარმომადგენლები.

მასმედიის გაშუქება იხილეთ აქ:

https://www.imedi.ge/ge/video/42270/qronika-1400-saatze–24-seqtemberi-2019-tseli#!?page=2

14:35 წთ.

https://www.interpressnews.ge/ka/article/565512-kartopilis-teslis-sertipicirebis-sakitxebi-ganixiles/

http://accentnews.ge/newsdetails.php?lang=1&NewsID=6554

http://kvira.ge/501790

http://www.newspress.ge/sazogadoeba/132985-saqarthveloshi-kartofilis-theslis-sertificirebis-sakithkhebi-ganikhiles.html

https://ipress.ge/new/saqarthveloshi-kartophilis-theslis-sertiphitsirebis-sakithkhebi-ganikhiles/

http://frontnews.eu/news/ge/55532

http://reportiori.ge/inside.php?menuid=3&id=107747

http://pia.ge/post/283580-saqartvelosi-kartofilis-teslis-sertificirebis-sakitxebi-ganixiles

https://www.bpn.ge/article/60873-kartopilis-teslis-sertipicirebis-sakitxebi-ganixiles