კარტოფილის საერთაშორისო ცენტრის ექსპერტების მიერ გადამზადებულმა ქართველმა მეცნიერებმა დაიწყეს ფერმერთათვის მინდვრული მეცადინეობების ჩატარება პოზიტიურ სელექციაში. გარემოს დაცვისა და სოფლის მეურნეობის სტრუქტურული ერთეულიების წარმომადგენლებმა, სოფლის მეურნეობის სამეცნიერო-კვლევითი ცენტრის თანამშრონმელმა დალი წიკლაურმა, ფერმერთა ყაზბეგის საინფორმაციო-საკონსულტაციო ცენტრის ხელმძღვანელმა კახაბერ ჯანუყაშვილმა და საქართველოს აგრარული უნივერსიტეტის დოქტორანტი ლევან ტყემალაძემ მცხეთა-მთიანეთის 6 თემის 22 სოფელში ჩაატარეს მინდვრული ტრეინინგები და ფერმერებთან ერთად მოახდინეს მცენარეთა შერჩევა. სულ 63 ფერმერის კარტოფილის ნაკვეთზე ჩატარდა პოზიტიური სელექცია. შემდგომი სელექციის ჩატარება დაგეგმილია აგვისტოს მეორე ნახევარში.
